اب کے یوں دل کو سزا دی ھم نے

اُس کی ھر بات بُھلا دی ھم نے

ایک ایک پھول بہت یاد آیا

شاخ گُل جب جلا دی ھم نے

آج تک جس پہ وہ شرماتے ھیں

بات وہ کب کی بُھلا دی ھم نے

شہرٍ جہاں راکھ سے آباد

آگ جب دل کی بُجھا دی ھم نے

آج پھر یاد بہت آیا وہ

آج پھر اُس کو دعا دی ھم نے

کوئی تو بات ھے اُس میں

ھر خوشی جس پہ لُٹا دی ھم نے

وہ بظاہرجو زمانے سے خفا لگتا ہے

ہنس کے بولے بھی تو دنیا سے جدا لگتا ہے

اور کچھ دیر نہ بجھنے دے اے ربّ سحر

ڈوبتا چاند میرا دستِ دعا لگتا ہے

جس سے منہ پھیر کے رستے کی ہوا گزری ہے

کسی اجڑے ہوئے آنگن کا دیا لگتا ہے

اب کے ساون میں بھی زردی نہ گئی چہروں کی

ایسے موسم میں تو جنگل بھی ہرا لگتا ہے

شہر کی بھیڑ میں کہاں کھلتے ہیں اس کے نقوش

آؤ تنہائی میں سوچیں کہ وہ کیا لگتا ہے

منہ چھپائے ہوئے گزرا ہے‘ احباب سے آج

اس کی آنکھوں میں کوئی زخم نیا لگتا ہے

اب تو محسن کے تصّور میں اتر رّب جلیل

اس اُداسی میں تو پتھر بھی خدا لگتا ہے

بھُول جانا تھا تو پھر اپنا بنایا کیوں تھا

تم نے اُلفت کا یقیں مجھ کو دلایا کیوں تھا

ایک بھٹکے ہوئے راہی کو سہارا دے کر

جھُوٹی منزل کا نشاں تم نے دکھایا کیوں تھا

خُود ہی طوفان اُٹھانا تھا محبت میں اگر

ڈوبنے سے میری کشتی کو بچایا کیوں تھا

جس کی تعبیر اب اشکوں کے سوا کچھ بھی نہیں

خواب ایسا میری آنکھوں کو دکھایا کیوں تھا

اپنے فیصلے پہ ہو کیوں اتنی پشیمان صبا

ایک بے درد سے دل تم نے لگایا کیوں تھا

اے ماں پياری ماں
اپنے قدموں ميں دے دے جگہ
اپنا سايا بنا لے مجھے
اپنے نغمے سکھا دے مجھے
دير جب بھی ہوئی گھر ميں آتے مجھے
ميں نے ديکھا کہ ماں ميری سوئی نہيں
ميرے خون کا ہر اک قطرہ يہ کہہ اتھا
ميری ماں تم سے بڑھ کر کے کوئی نہيں
آ گلے سے لگا لے مجھے
اپنے من ميں جگہ دے مجھے
ماں پياری ماں
جب بھی کوئی پريشانی مجھ کو ہوئی
تيرے آنچل تلے آ کے رويا ہوں ميں
تيری باتوں کی ڈوری کو تھامے ہوئے
تيری گودی پہ سر رکھ کے سويا ہوں ميں
کوئی لوری سُنا دے مجھے
آج پھر آسرا دے مجھے
ماں پياری ماں
تيری ہر ايک دُعا مجھ پہ مرکوز تھی
تو نے ہر دم مجھے خوش رکھا ہے مگر
ميں نے تجھ کو کئی غم دئے ہيں نا ماں
اپنے بيٹے کو کر دےنا تو درگذر
چاہے کوئی سزا دے مجھے
پر ہر ايک لمحہ دُعا دے مجھے
اے ماں پياری ماں
اپنے قدموں ميں دے دے جگہ
اپنا سايا بنا لے مجھے
اپنے نغمے سکھا دے مجھے

میں تمہارے عکس کی آرزو میں بس آٰ ئینہ ہی بنی رہی

کبھی تم نہ سامنے آ سکے،کبھی مجھ پہ گرد پڑی رہی

وہ عجیب شام تھی،آج تک میرے دل میں اس کا ملال ھے

میری طرح جو تیری منتظر،تیرے راستے میں کھڑی رھی

کبھی وقف ہجر میں ہو گئ کبھی خواب وصل میں کھو گئ

میں فقیر عشق بنی رہی، میں اسیر یاد ہوئ رہی

بڑی خامشی سے سرک کے پھر مرے دل کے گرد لپٹ گئ

وہ رداےء ابر سپید جو ، سر کوہسار تنی رہی

ہوئ اس سے جب میری بات بھی،تھی شریک درد وہ ذات بھی

تو نہ جانے کون سی چیز کی میری زندگی میں کمی رہی

ھم تم کو ضرورت سے زیادہ جو چاہ بیٹھے

تیری یاد میں دل اپنا جو گنوا بیٹھے

یقیں نہیں ھوتا ابھی تک یہ خواب ھے یا حقیقت

ھم تو تیری آنکھوں کا تارا تھے کیوں اب اکتا بیٹھے

کہتی تھی تم میں آتا ھوں روز شب تیرے خوابوں میں خیالوں میں

رکھا صرف محدود ھمیں خیالوں تک،حقیقت میں کیوں چھپا بیٹھے

کبھی ناز تھا ھم کو اپنے پر،نہ دیں گے یہ دل

دل تو دیا بھی لیکن کہاں،اک پتھر دل سے لگا بیٹھے

نہیں بھول سکا میں تم کو ہر ممکن کوشش کے بعد بھی

اب کون آئے گا جب دل کے کمرے میں تیری تصویر لگا بیٹھے

نہ تھا ھمیں کوئی شک تیری وفاؤں پر جان

نہ تھی تو بےوفا،نہ ھے بےوفا،پھر کون سی کر ھم خطا بیٹھے

اب اگر کچھ بھی نہیں کچھ بھی نہیں ہو سکتا

اپنے جزبوں سے یہ رنگین شرارت نہ کرو

کتنی معصوم ہو نازک ہ و حماقت نہ کرو

بارہا تم سے کہا تھا کہ محبت نہ کرو

دل ہو آباد تو جنگل کے ویرانے بھی گیت

دل ہو ویران تو شہر میں تنہا یا ں ہیں بہت

تنہا چھوڑ کر ہم کو حوصلہ بھی دیتے ہو
سانس چھین کر ہم کو جینے کی دعا بھی دیتے ہو
ایک طرف جدائی کا تذکرہ بھی جاری ہے
اور مسکرانے کا بھی مشورہ دیتے ہو

وہ دل میں مرے گھات لگا کر ہی رہے گا
جذبات میں ہلچل سی مچا کر ہی رہے گا

ہر بات میں تکرار کی عادت کے سبب وہ
رشتے میں کوئی چھید بنا کر ہی رہے گا

کہتا ہے، مجھے چاند کو چھونے کی ہے خواہش
اک روز زمیں پر اسے لا کر ہی رہے گا

کچا ہے گھروندا مرا، بادل بھی ہے ضد میں
لگتا ہے کوئی کام دکھا کر ہی رہے گا

گرتی ہے تو سو بار گرے، اُس کی بلا سے
وہ ریت کی دیوار بنا کر ہی رہے گا

شک روگ ہے یہ دل کو اگر چھو لے تو سمجھو
بُنیاد وہ اس گھر کی ہلا کر ہی رہے گا

وہ دل ہی کیا تے ملنے کی دعا نہ کرے

میں تجھ کو بھول کے زندہ رہو ں خدا نہ کرے

رہے گا ساتھ تیرا پیار زندگی بن کر

یہ یور بات ہے میری زندگی وفا نہ کرے

یہ ٹھیک ہےنہیں مرتا کوئی جدائی میں

خدا کسی کو کو کسی سے جدا نہ کرے

اگر وفا پہ بھروسہ رہے نہ دنیا کو

تو کوئی شخص محبت کا حوصلہ نہ کرے